რატომ  აქვს  შვეიცარიულ  მექანიკურ  საათებს  უფრო  მაღალი  ფასი?
2016-11-07

რატომ აქვს შვეიცარიულ მექანიკურ საათებს უფრო მაღალი ფასი?



მექანიკური  მექანიზმი

საათების მექანიკური მექანიზმების უმეტესობა დამზადებულია ხელით და ისინი მრავალწლიანი გამოცდილების მქონე მესაათეების ხანგრძლივი შრომის შედეგია. რაც უფრო რთულია მექანიკური საათი, მით მეტ ფუნქციებს ასრულებს ის და შესაბამისად, ფასიც უფრო მაღალია.

გამოყენებული  მასალა

ზოგიერთი საათი მთლიანად ძვირფასი მეტალისგან არის დამზადებული, ეს შეიძლება იყოს, ოქრო, ან პლატინა. ამ მეტალების ღირებულება გაცილებით უფრო მაღალია, ვიდრე პლასტიკი, უჯანგავი ფოლადი, ან სხვა საბაზისო მეტალი. თუმცა ოქროს ფენა გაცილებით უფრო თხელია, ვიდრე სამაკაულების შემთხვევაში არის გამოყენებული.  თუ სამაჯურიც, საათის მსგავსად, ძვირფასი მეტალისგან არის დამზადებული, მისი ფასი კიდევ უფრო იზრდება.

წყლისგან  დაცვა

წყლისგან დაცვა ასევე ზრდის საათის ფასს, რადგან ამ შემთხვევაში იყენებენ დამცავ საფენს და სპეციალურ საქოქს, რომლითაც საათის ჩაკეტვის შემთხვევაში წყალი ვეღარ აღწევს კორპუსის შიგნით. რაც უფრო მაღალია დაცვის დონე, მით უფრო მაღალია საათის ფასი.

შეზღუდული  რაოდენობა

უმეტესობა შვეიცარიული კომპანიებისა, საათებს ვიწრო წრისთვის ამზადებს. ეს მათ საშუალებას აძლევთ, მომხმარებელს უფრო ექსკლუზიური დიზაინი შესთავაზონ, რაც ასევე ზრდის საათის ფასს.

მინის  მასალა

საათების ნაწილები გამოირჩევა მაღალი ხარისხით. ეს შეეხება მინასაც, რომელიც სინთეთიკური საფირონისგან მზადდება, ის არ იკაწრება და ძალზედ მტკიცეა. მისი ფასი უფრო მაღალია, ვიდრე მინერალური, ან პლასტიკური მინა.

კორპუსი

შვეიცარიულ საათებს მთლიანობაში გააჩნიათ უფრო განსხვავებული, რთული კონსტრუქციის კორპუსები. რაც იმას ნიშნავს, რომ ბევრი ნაწილისგან არის აწყობილი, რაც დიდ ძალისხმევას და დროს მოითხოვს.

სხვა

ასევე სხვა დეტალებიც განაპირობებენ საათის ფასს, მაგალითად სამაჯურის მასალა, შესაკრავი და ა.შ.