Tissot Slider -WebTissot Slider – Mob
Swatch Slider WebSwatch Slider Mob
1600×678750×5002
B-web-banner-minB mob banner
Web bannermob.banner
T web bannerTmob banner

ჩვენ შესახებ

“ართთაიმი” 1999 წელს დაარსდა. მან პირველმა შეძლო, რომ ადგილობრივი მომხმარებლისთვის ხელმისაწვდომი გახადა შვეიცარიული საათი. კომპანიის საქმიანობის ძირითადი მიმართულება ცნობილი შვეიცარიული წარმოების საათებისა და საიუველირო ნაკეთობების იმპორტი და დისტრიბუციაა საქართველოში.

ბრენდები

შენი შვეიცარიული საათი ARTTIME-ში

Swiss Made საათების პირველი ნაბიჯები საქართველოში ართთაიმთან ერთად

შპს ართთაიმი დაარსდა 1999 წელს, თბილისში. ის იყო პირველი კომპანია, რომელმაც მიზნად დაისახა, რომ შვეიცარიული საათი მარტივად ხელმისაწვდომი ყოფილიყო ადგილობრივი მომხმარებლისთვის და ქართულ ბაზარზე შემოიყვანა ცნობილი შვეიცარიული საათების ბრენდები.  ნელ-ნელა იზრდებოდა კომპანია და შემოტანილი ბრენდების რაოდენობაც. დღეს შპს ართთაიმი არის წამყვანი მოთამაშე საქართველოში წარმოდგენილი Swiss Made Watches სექტორში. საათების გარდა, ის მომხმარებელს სამკაულებს და სხვადასხვა აქსესუარებსაც სთავაზობს. ჯამში მაღაზიებში წარმოდგენილია 20 ბრენდის საათი.

კომპანიას ისეთი ცნობილი საათებისა და საიუველირო ბრენდების ექსკლუზიური დისტრიბუციის უფლება აქვს საქართველოში, როგორებიცაა: Balmain, Calvin Klein, Doxa, Flik Flak, Frederique Constant, GaGa Milano, Longines, Maurice Lacroix, Novarese&Sannazzaro, Rado, Raymond Weil, Swatch, TAG Heuer, Tissot, Versace, Versus, Vianna Brazil, Victorinox, Wenger.

 „ართთაიმმა“ საკუთარი ნიშა სტაბილურად მოიპოვა ბაზარზე. ის საინტერესოა მრავალფეროვანი არჩევანითა და ნებისმიერი გემოვნებისა და მოთხოვნების მქონე ადამიანი მარტივად შეძლებს შეარჩიოს სასურველი საათი. ჩვენთან წარმოდგენილია როგორც ბიუჯეტური შვეიცარიული საათები, რომლის ფასი 190 ლარიდან იწყება ( ვგულისხმობთ Swatch-ის საათებს, რომლის შექმნამაც შვეიცარიული საათი უფრო ხელმისაწვდომი გახადა), ასევე პრემიუმ კლასის ბრენდები.

შვეიცარიული საათი, როგორც ყოველდღიურობის ნაწილი

რაც შეეხება ჩვენი კომპანიის კონცეფციას, ბოლომდე ვიზიარებთ აზრს – როდესაც კარგ საათზე ვსაუბრობთ – ვგულისხმობთ შვეიცარიულ საათს, რომელიც მხოლოდ დროის მაჩვენებელი არ არის.  გარდა იმისა, რომ საათი ვიზუალურ სიამოვნებას განიჭებთ, მის დიზაინში ასევე ასახულია თქვენი ხასიათი და მისწრაფებები. Სწორედ ამიტომ არჩევანიც მრავალფეროვანია. კლასიკურ მოდელებს ძირითადად საქმიანი ადამიანები ირჩევენ, რაც მათ სტატუსსაც უსვამს ხაზს სპორტულ საათებს კი აქტიური ცხოვრების მოყვარულები. ცნობილი შვეიცარული ბრენდების მიერ  შექმნილია არაერთი სახეობის სპორტული საათი, რომელიც დახუნძლულია სხვადასხვა  ფუნქციებით და ბევრი მათგანი Touch სისტემაზე მუშაობს. საკმარისია ხელის უბრალო შეხება, რათა შეძლოთ ამ სისტემის მართვა. ჩვენთან ასევე წარმოდგენილია ცნობილი დიზაინერული ბრენდები (Fashion brands). ეს საათებიც შვეიცარიაშია წარმოებული. გართობისა და კლუბური ცხოვრების მოყვარული ადამიანები სიამოვნებთ ირჩევენ ამ მოდელებს, რადგან შვეიცარიულ ხარისხთან ერთად, მოდის სამყაროში მიმდინარე ტენდენციებსაც გვთავაზობენ. ასევე მნიშვნელოვანია Swatch-ის საბავშვო საათების ხაზი Flik Flak. ეს არის სპეციალურად ბავშვებისთვის შექმნილი საათი, რომლის კონცეფციაზე პედაგოგებთან ერთად ფსიქოლოგებმაც იმუშავეს. საბავშვო ხაზის ძირითადი მიზანი ბავშვებისთვის საათის შესწავლა და მისი გამოყენების სასიამოვნო პროცესად ქცევა გახლდათ. საბავშვო საათები Swatch-ის სტანდარტული მექანიზმით არის აწყობილი, ანტიალერგიულია, არის წყალგაუმტარი, დარტყმაგამძლე და ირეცხება სარეცხ მანქანაში 40 გრადუსზე.

საათის შერჩევა და შეძენა მარტივი და კომფორტულია

შპს ართთაიმი ფლობს რვა თანამედროვე დიზაინის მაღაზიას და სერვის ცენტრს. თქვენ შეგიძლიათ მარტივად გვიპოვოთ თბილისის ყველა დიდ სავაჭრო ცენტრში და ასევე თბილისისა და ბათუმის ცენტრალურ უბნებში. კომპანია ზრუნავს მომხმარებლების კომფორტზე – ართთაიმის ვებგვერდზე ფუნქციონირებს ონლაინ მაღაზია, სადაც 24/7-ზე შეგიძლიათ დაათვალიეროთ ჩვენი პროდუქცია, გაეცნოთ თითოეული მოდელის მახასიათებლებს, შეიძინოთ ონლაინ და ისარგებლოთ ადგილზე მიტანის სერვისით. ან უბრალოდ მიიღოთ კონსულტაცია ჩვენი წარმომადგენლისგან, რომელიც დაგეხმარებათ შეარჩიოთ სასურველი საათი და გიპასუხებთ პროდუქციასთან დაკავშირებულ ნებისმიერ კითხვაზე. ჩვენი დიაპაზონი მუდმივად ფართოვდება. ვცდილობთ დავაკმაყოფილოთ მომხმარებლების დახვეწილი გემოვნება და ლტოლვა სიახლის მიმართ. ართთაიმის მაღაზიები წარმოადგენს საათების და საიუველირო ნაკეთობების ნამდვილ საგანძურს, სადაც ყოველთვის დაგხვდებათ უახლესი კოლექციები.

სასარგებლო რჩევა ართთაიმის უცხოელი მომხმარებლებისათვის: კომპანია მუდმივად ინარჩუნებს საათის იგივე საცალო ფასს, როგორიც არის შვეიცარიაში. ამავე დროს, დღგ საქართველოში არის 18% (შვეიცარიაში 8%), რაც განაპირობებს იმას, რომ Tax Free სერვისით სარგებლობისას, საქართველოში შეძენილი შვეიცარიული საათების საბოლოო ფასი უფრო ნაკლებია, ვიდრე შვეიცარიაში.

Updating…
  • თქვენ კალათში პროდუქტები არ არის.