სიახლე, სიახლე

RAYMOND WEIL – აღმოჩენების დროა

Raymond Weil მთელი თავისი არსებობის ისტორიის მანძილზე ცნობილია ქრონოგრაფებით და მისი ბოლო მოდელებიც უდავოდ აერთიანებენ ბრენდის უზარმაზარ ცოდნასა და გამოცდილებას. Freelancer-ის კოლექციაში Chronograph 7741, იგივე Tri Compax ქრონოგრაფი შეიცავს მთელ რიგ დახვეწილ დეტალს და იდეალურია გასული დროის აღრიცხვისთვის. Raymond Weil კიდევ ერთხელ წარმოგვიდგენს დახვეწილ, მდიდრულ საათს, რომელიც საუკეთესოდ შეეფერება თანამედროვე ყოველდღიურობას.

Raymond Weil სიამაყით წარმოგვიდგენს ახალ მოდელს Freelancer-ის კოლექციაში – Chronograph 7741, იგივე Tri Compax-ს, რომელიც აღსავსეა ელეგანტურობით. სხვადასხვა ციფერბლატის ვარიანტებით, მოდელი ხელმისაწვდომია ხუთრიგიანი მეტალის ან შესაბამის ფერთა კოორდინირებული სამაჯურით. ერთ რამეში შეგიძლიათ დარწმუნებული იყოთ, რომელი ფერთა ვარიაციაც არ უნდა შეარჩიოთ, ყველა მოდელი გამოსჭვივის ელეგანტურობასა და სიდიადეს.

43.5 მმ დიამეტრის მქონე უჟანგავი ფოლადის კორპუსი მოიცავს გაპრიალებულ და ოდნავ ხორკლიანი ზედაპირების კომბინაციას, რაც საათს განსაკუთრებულად მდიდრულ იერსახეს სძენს. საათისა და წუთის მაჩვენებლები გადმოცემულია თამამი, მკვეთრი ინდექსებით. ისრებიც და ინდექსებიც დაფარულია ლუმინესცენტური დაფარვით, რაც საათის გარჩევადობას სიბნელეშიც კი უზრუნველყოფს. ციფერბლატზე დატანილი თარიღის მანიშნებელი საკმარის ადგილს ტოვებს სხვა ფუნქციური აღმნიშვნელებისთვის და საათს ელეგანტურობასთან ერთად, გასაოცარ ფუნქციონალსაც სძენს.

საათების ბრენდი Raymond Weil Freelancer

Raymond Weil-ის დიზაინერთა გუნდმა უზარმაზარი შრომა ჩადო ციფერბლატის თითოეული დეტალის გაუმჯობესებაში. კომპანიის ლოგო ახლა წარმოდგენილია ცალკე პანელზე. გარდა ამისა, ბეზელში ჩასმულია ნაკაწრ-საწინააღმდეგო კერამიკა, რომელზეც დატანილი ტახიმეტრის ნიშნულები ხელს უწყობს დახვეწილ და მდიდრულ შეგრძნებას. Freelancer-ის ახალი Chronograph 7741-ის გულში ჩასმულია Calibre RW5030. მექანიზმი, რომლის დათვალიერებაც გამჭვირვალე ხუფიდან შეგიძლიათ, აღჭურვილია 56 საათიანი საათის სვლის მარაგით.

ამ კოლექციის ყველაზე განსხვავებული და თვალში საცემი მოდელი, წარმოდგენილია მომხიბლავი მწვანე ფერში. ამ მოდელზე 30 წუთიანი და 12 საათი ქრონოგრაფები აღჭურვილია კარგად შესამჩნევი თეთრი ისრებით, ხოლო სამივე გარშემორტყმულია ვერცხლისფერი წრეებით. საათის ინდექსების რკალი დაფარულია ხაზოვანი სტრუქტურით, ხოლო ოდნავ დაბურული ციფერბლატის შუაგული მას კიდევ უფრო მომხიბვლელს ხდის.

Raymond Weil-ის Freelancer Chronograph 7741 გვთავაზობს ზუსტი ქრონოგრაფის ფუნქციებს მაშინ, როდესაც თითოეული წამი მნიშვნელოვანია. თუმცა, დაჯილდოებული საუცხოო გარეგნობითა და დახვეწილი სპეციფიკაციებით, ეს მოდელი შესაფერისია ისეთი შემთხვევებისთვისაც, როდესაც ცხოვრებით ტკბობა უფრო მეტ მნიშვნელობას იძენს და დროის ათვლა მეორეხარისხოვანი ხდება. შესაბამისად, არ აქვს მნიშვნელობა როგორი სტილის ცხოვრება გიზიდავთ, სწრაფი და მუდმივად ცვალებადი, თუ ნელი, მშვიდი და გაწონასწორებული, Freelancer Chronograph 7741 ნებისმიერ შემთხვევაში ღირსეულ კომპანიონობას გაგიწევთ.

Raymond Weil-ის Freelancer-ის მოდელების შეძენა შეგიძლიათ, როგორც ონლაინ, ასევე ჩვენს ფილიალებში.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *