SWATCH BIOCERAMIC – ახალ ტერიტორიებს იპყრობს
Swatch-ი სიამაყით წარმოგიდგენთ უნიკალურ და სრულიად ახალ მასალას საათების ინდუსტრიაში – BIOCERAMIC-ს! სულ რაღაც რამოდენიმე თვე გავიდა მას შემდეგ, რაც Swatch-მა 2020 წლის სექტემბერში წარმოგვიდგინა ბიო მასალები. ახლა კი ამ ბიო მასალების უნიკალური ნაზავი: კერამიკა და ბიო-პლასტიკი. ეს უთუოდ არის ინოვაცია, რომლის შეგრძნებაც ყველა Swatch-ის მოყვარულისთვის განსხვავებული გამოცდილება იქნება.
რატომ არის BIOCERAMIC-ი ასეთი განსაკუთრებული? მის შემადგენლობაში ორი მესამედი არის კერამიკა, ხოლო ერთი მესამედი ბიო-პლასტიკი. სწორედ ეს განაპირობებს მის სიმკვრივეს, გამძლეობასა და შეხებისას აბრეშუმისმაგვარ შეგრძნებას. ამგვარად, Swatch-მა საათების წარმოებაში ხშირად გამოყენებული მასალებიდან საუკეთესო თვისებები უახლეს BIOCERAMIC-ში გააერთიანა. ამ განსაკუთრებული მასალის დებიუტისთვის Swatch-მა BIG BOLD კოლექცია შეარჩია. დაგვეთანხმებით, ეს სულაც არ არის გასაკვირი! შერჩეული კოლექციის დიამეტრი არის 47 მმ. მისი დიზაინერული, თანამედროვე-არქიტექტორული ვიზუალიც შესაძლებლობას გვაძლევს სრულად შევიგრძნოთ BIOCERAMIC-ისთვის დამახასიათებელი თვისებები. ამ ეტაპზე კოლექციაში წარმოდგენილია ხუთი ფერი. გვხდება კლასიკური შავი და თეთრი, ნაცრისფერი, რომელიც წლის ფრად არის აღიარებული, ოპტიმიზმით აღსავსე ცისფერი და ახალი, ძლიერი ვარდისფერი. BIOCERAMIC BIG BOLD- ი არის გლუვი, ბრენდისთვის დამახასიათებელი და საკმაოდ ცნობილი მოდელი. აღსანიშნავია, რომ მისი დიზაინერული დატვირთვა დაყვანილია მინიმუმამდე. ასევე მნიშვნელოვანია, რომ Swatch-ის დამახასიათებელი გამჭვირვალე კორპუსი საშუალებას იძლევა ახალმა მასალამ სრულად წარმოაჩინოს თავი მთელი თავისი სიდიადით. სამაჯური, შუშა და ლუპებიც დამზადებულია ბიო-პლასტიკისგან.
SWATCH-ის მოგზაურობა გრძელდება
Swatch-მა საათების ინდუსტრიაში რევოლუცია ჯერ კიდევ 1983 წელს მოახდინა. Swatch-ის საათების მექანიზმი შედგებოდა მხოლოდ 51 ნაწილისგან. საათების მოყვარულებს გეცოდინებათ, რომ საათის ფასი სწორად მისი მექანიზმის სირთულით განისაზღვრება. საშუალოდ საათის მექანიზმში 200-250 ნაწილია, ხოლო 51 ნაწილისგან აწყობილი შვეიცარიული საათი, ნამდვილად რევოლუციური იყო. ოცდაჩვიდმეტი წლის შემდეგ მსოფლიო ბრენდმა წარმოგვიდგინა ბიო პლასტიკი. ეს მასალა პირველად გამოჩნდა 2020 წლის სექტემბერში Swatch BIORELOADED კოლექციაში. ამ კოლექციამ საათების მოყვარულების მოწონება დაიმსახურა და Swatch-მაც სხვა სიახლე არ დააყოვნა. დღესდღეობით BIOCERAMIC არის SWATCH NEXT კოლექციის ახალი ნაბიჯი ბრენდის მუდმივად ინოვაციური და იდეებით აღსავსე მოგზაურობაში.
SWATCH BIOCERAMIC – რა არის შემდეგი?
Swatch-ი ყოველთვის მიისწრაფვის საუკეთესოსკენ, როდესაც საქმე ეხება დიზაინს, მასალებსა და ტექონოლოგიებს. BIOCERAMIC-ის გამოყენებამ უაღრესად მნიშვნელოვანი როლი ითამაშა Swatch-ის ინოვაციების მაძიებელ მოგზაურობაში. 2021 წლის ბოლომდე, კომპანია გეგმავს მაქსიმალურად ბევრი მოდელი და კოლექცია მოიცვას ამ ახალი მასალის – BIOCERAMIC-ის გამოყენებით.
SWATCH C-BLUE
SB03N100
SWATCH C-WHITE
SB03W100
SWATCH C-PINK
SB03P100
SWATCH C-BLACK
SB03B100
SWATCH C-GREY
SB03M100